話說前陣子在 outlet 買左個平平手袋，可以手拎或者側孭。小矮人 me 發現條肩帶超長，側孭個袋可以墮到去籮柚囧，所以買左返黎都好少用（孭唔到阿～～）
後來心血來潮決定要幫手袋條帶打窿，可以較短啲， 令手袋 reborn！本來是想去專門店問有無呢個打窿服務哈哈，不過搜搜 Google 大神後發現原來也可以自己 DIY ♪
關鍵就是這個 Leather Punch 工具！一般 在比較大的 Aeon 12 蚊店就可以買到，12蚊咋！架上面有幾個 Size，自己對返手袋肩帶的粗幼選擇。我果條帶係特幼，所以揀左最細直徑的 3mm size
動工了！材料有 Leather Punch，鎚仔同厚書一本墊底，安全起見可以先用鉛筆係條帶到 Mark 一 Mark 位先，可以對住個位黎揼。其實條皮肩帶都幾厚，所以都驚揼唔穿，瘋狂揼完一輪就穿左八成哈哈。以前唔明點解隔離樓上夜媽媽都可以瘋狂揼野，而家明白揼呢啲真係要揼好耐.... (*☉౪⊙*)
媽媽聽到揼咁耐都未得，最後送上私伙打窿工具.... 好似釘窿機咁一打就穿.... 我覺得我浪費左寶貴的十二蚊.... (́⊙◞౪◟⊙‵)
最後送上效果圖，非常滿意 乁( ◔ ౪◔)「
沒有留言:
發佈留言
歡迎留言聊天♪