Verso | Super Facial Serum

承上回，話說呢個回鄉短 Trip 我就帶左屋企啲護膚品 Sample 去用，不得不提一下呢支 Verso Super Facial Serum ～( ˙◊˙◞)◞ 

這支是 Cult Beauty 的 Goody Bag 內的產品 。話說早幾天手賤擠暗倉，然後發炎含膿，貼了兩日 3M 暗倉貼都無用，擠完再貼再有！！好震驚因為3M 暗倉貼係我心目中對付有膿暗倉的終極聖品！今次真係無語問蒼天，於是去到大陸就放棄治癒自暴自棄素顏趴趴走，晚上就潔面後當作晚霜使用 ԅ(≖‿≖ԅ)

擠岀來是濃稠的 Gel 狀質地，塗上面有點難推但又頗快吸收，嗅起來還有一陣好治癒的草本味道， i like it～ 然後緊接的第二天一照鏡就發現膿頭就消失了！當晚霜連用了兩天覺得有少少水油平衡了毛孔又細左氣息又好左的感覺，當然也有可能是因為在大陸天氣無香港咁潮濕同食得清淡左同早訓左所以皮膚好左哈哈！之前香港天氣忽冷忽熱又潮濕，我臉的暗倉真的慘不忍睹，不過北上轉了一圈就隱定多了，意外的收穫？！( ⁼̴̤̆ ළ̉ ⁼̴̤̆)و ̑̑ 

後來我就好奇 Search 下 Verso 這支精華的風評如何啦，點知原來有眼不識泰山這牌子都幾有名，係瑞典的護膚品牌，產品含有專利成分 Retinol 8，即維他命A酸，比一般 Retinol 高 8 倍效能，又不會像傳統 A酸那般刺激皮膚引致紅腫脱皮。Retinol 主打抗衰老，不過對暗倉鎮定皮膚去印消炎也有幫助啦。由於我試完覺得蠻有效果，就順道 Search 下 30ml 正裝幾錢啦， Cult Beauty 要 £100..... Beautybay 也要 $770 左右.... 有點小貴但如果真係 work 也可以接受啦，等下次 Period 暗倉大爆發的時候再試真一點效果，到時候才決定回不回購吧 ♪