2017 東京之旅 | Day 5 伊豆 （上）

2017 東京之旅 | Day 4 DisneySea

伊豆之旅 Start！ 是日一大早岀發去橫濱駅坐全車指定席的超景踴子號去伊豆 ٩( ᐛ )و 

由於太早，我們在橫濱岀站之後，係附近商場行左陣都搵唔到餐廳開門，於是又去返站內的立食店同上班族們一齊吃蕎麥麵做早餐

上車喇！超景踴子號是去伊豆的觀光專用特快列車，好靚好大個窗，個座位都好好坐好舒服～ 我們太遲劃位，所以坐不到左邊的坐位看海岸線 

雖然超早起身好 L 眼訓，但沿途風景睇下屋仔都幾有趣，無乜點補眠 （ˉ﹃ˉ）

左邊就是靚景，不過去兩日一夜的伊豆之旅係瘋狂睇海，錯過了都不是太大問題哈哈

第一次去伊豆，我們都唔是好識路，第一站就去了伊東逛下

一岀站的景致，好好好好天阿 ♥

係伊東站跟指示路牌行行行就到東海館，係 google 大神介紹的景點之一 ，大門好氣派

東海館前身是溫泉旅館，1997年閉館之後就變成文化財產，由伊東市政府保育下來開放讓大家參觀嚕，門票很便宜只需 ¥200

入到去沿見學路線參觀，其實也沒什麼好看哈哈哈哈好快就行完

裡面沒有什麼旅客，我們常常被館內的假人嚇一跳  ʕ⁎̯͡⁎ʔ

沿途的商店街都沒什麼好逛，都是買下手信伴手禮

無野做於是又坐伊豆急行線去尾站伊豆急下田食午餐，用 JR pass 都係唔駛比錢，好方便

坐呢程睇到伊豆半島的海岸喇，心花怒放中 ♥

岀站啦，非常伊豆 style 的站 ♪

去到伊豆急下田 Google 完都唔識路，硬著頭皮入左個小店問路，店員又是超熱心的走埋岀黎教我們行，呢兩日都覺得伊豆的子民好民風純樸 super nice ٩(ˊᗜˋ*)و

魚料理餐廳 なかがわ 門面非常平實，一睇就知係老店 ԅ(≖‿≖ԅ)

無中英餐牌，不過餐牌有食物相可以靠估咁點菜，店員先送上跟定食個餐的蟹仔麵豉湯 

さしみの盛合せ 不知名魚刺身 ¥2,160

see see 幾新鮮，好大一盤我們兩條友仔差啲食唔晒 

接下來就是伊豆名物、下田港盛產的金目鯛煮魚定食 ¥2,060，味道就是甜甜的魚很好送飯，類似就是平時媽媽蒸魚的味道哈哈哈，純粹一場黎到點都要試下咁囉 (•́⌄•́๑)

待續

開箱 | LF Black Friday

今次襯 Lookfantastic 有 Black Friday 優惠買左少少野，好理智嘿嘿。Black Friday 11月24號落單預 12月12日送到，遲左少少 15號終於收到喇～13號仲未收到的時候內心非常小鹿亂撞，因為朋友們都一早收到晒啲貨，我入去 Account 到睇又無 Tracking，好驚寄失左，好彩最後武士 (ಠ ͜ʖಠ)

Tangle Teezer £7.7 一個好抵阿，買左兩個一個自用一個做送禮勤 

其他都要九十幾蚊至百幾蚊不等， 考慮左好耐要唔要買左邊個 Enchanted  Feather，個樣幾夢幻，不過求其係屋企用都係買個平啲嘅就算 ԅ(≖‿≖ԅ)

Purple Glitter 呢個可能個外表太老套無人要，所以清貨價再平少少

實物靚啲！係深紫色，不是老套姣婆紫 ( ΄◞ิ .̫.̫ ◟ิ‵)y

姐姐用完表示頭皮好舒服

Original 比 Compact 款大啲，不過就算係 Compact 我都唔會帶岀街哈哈，而且成日閂蓋都對唔準，插到個梳啲蘇蘇攣哂

呢個 Glamglow Let it Glow Thirstymud Gift Set 都幾抵！

包裝好靚好 bling bling

$280 有 藍色 Thirstymud 30g，白色 Supermud + 黑色 Youthmud + 紫色 Gravitymud 各15g，貪心的 me 可以試多幾款 \(-ㅂ-)/

買完有點後悔無買埋左邊個 Supermud Set，$330 有白罐正裝 50g + 黑藍紫各 15g，都係抵到爛！ ！平時 50g 都要四百幾啦啦啦 ♪

之前罐裝會乾，要用保鮮紙包住就可以 keep 得耐啲，呢款支裝應該好少少

最後為乾燥的冬天買左支 Estee Lauder 的 Advanced Night Repair 精華

Estee Lauder 之前可以登記攞 Sample，竟然有 7ml 十分佛心，試左覺得幾好用，同埋見到有人話呢支去黃一流，所以黃面 me 就買了 （我覺得去黃暫時都係 Verso 支精華最強）

LF 50ml 裝 $600左右，平過專櫃好多咧，初初我以為會唔寄香港，點知又 ok (ᇂдᇂ )

質地清爽無油，揸上面好快吸收。攞試用的時候 BA姐姐熱心的同我介紹左一下，做左個噴水測試，而家係屋企再次為大家示範一下哈哈

無揸精華，手上的水珠係一粒粒

揸左精華後，水珠們就好平均咁痴住皮膚， BA姐姐話表示揸完之後的後續保養會更好吸收

充滿實驗精神的我拎埋 Oskia Super 16 try try 係咪其實係手背揸左精華都會有咁嘅效果

failed 哈哈，雖然唔知係咪只係 gimmick，但都好似幾勁咁哈哈。見到討論區話呢支成份麻麻，等我用多一陣如果好用再分享～

PS 有好一陣子我都係揸完精華就算，油皮怕揸太多嘢會好 heavy，後來先知精華之後要再揸面霜先可以鎖住水份and養份，改了習慣之後效果 double up，所以切記精華之後要再揸面霜精華之後要再揸面霜精華之後要再揸面霜 （其實係咪常識黎？係咪個個都知除左我哈哈哈哈）

2017 東京之旅 | Day 4 DisneySea

2017 東京之旅 | Day 3

完全展現我的決心！ ！ ！寫完呢日就到伊豆了！ ！由於昨日 100% 完全收皮 mode，今日訓晏左少少岀門口。上次來東京去了 Disneyland，今次是第一次去 DisneySea 東京迪士尼海洋，好期待呢！結論是喜歡 DisneySea 多過 Disneyland，更有新鮮感 ♪♪♪ 

匆忙的早餐

坐車到舞濱站後就坐迪士尼列車到 DisneySea 了，想不到迪士尼列車要比錢的！ ！以為是免費接駁列車哈哈，不知道行路去是不是行好久咧 ( ˘•ω•˘ )

臨近七夕，車站都有一些應節小裝飾

到 Disneysea 了，好宏偉的城堡們！門票是前幾天參考完入園人數預測 （點我）後在 Disneystore 買好的。一定一定要看，上次去 Disneyland 就是預測人多的日子，很多設施真的要排上 90mins！絕對要避開人多的日子！ ！

想說園內也有一點點繡球花可以欣賞 ✿

像不像心形繡球花咧 (ಠ ͜ʖಠ)♥

一入園就先去了百老匯音樂劇場看動感大樂團，第一場全部都是自由席，之後就分了要抽選的劃位和自由席。迪士尼的歌舞表演真的很精彩～ 要預時間來看嚕 乁( ◔ ౪◔)「

看完表演才去抽 Fast Pass，因為是日入園人數不是太多，所以竟然還有 FP，很是驚喜。抽了驚魂古搭晚上去玩，超期待的一個的遊戲！

之後見到東西就去排排看，以為是參觀郵輪，排了一會兒發現原來是龜龜漫談... 不了 (*☉౪⊙*)

離開後就去了神秘島玩地心探險之旅

好像也要排差不多兩個小時，不過排隊沿途的設計都好精緻好美！好有哈利波特的 feel，所以感覺排隊的時候也不算太難捱，而且這個好靚之餘真的好好好好玩，非常推薦！

之後去了旁邊玩海底兩萬哩，蠻有趣的，順便坐下休息下排隊排到攰的雙腳哈哈

呢架船就無坐，好似有點陽春

行緊去玩忿怒雙神，都係幾有趣的過山車！重點係唔會玩到想嘔哈哈。遺憾是無時間玩埋隔離果個印第安納瓊斯冒險旅程，留返下次再黎過啦 

窮人之晚餐，大件夾抵食的雞腿 ヽ(́◕◞౪◟◕‵)ﾉ

and 靚靚的飯後甜品，非常消暑

另一個休息雙腿的遊戲辛巴達傳奇之旅

好靚的日落，玩到咁上下就去行下商店逛逛

非常有衝動想買！ ！可愛到爆炸！ ！肥肥漢堡包 is my love！ 但真係細到裝唔到野，電話都裝唔到，實用性不大... 測試可以放到包紙巾哈哈哈，所以理智勝過感情 ʕ•̫͡•ʔ

全部都勁 cute！ ！影左當買左 thanks ʕ•̫͡•ʔ

如果有小朋友我一定會怒買 Stella Lou 同 Duffy 塞滿個 BB車 ( ⁼̴̤̆ ළ̉ ⁼̴̤̆)

是日 Toy Story Mania 維修，所以純粹黎影下相，夜晚著左燈好靚呢

去睇夜間娛樂表演 Fantasmic，比 Disneyland 的表演失色一點點，而且我果日仲要無左煙花表演，唔知點解（？）

睇完表演就去玩驚魂古搭，有 Fast Pass 都排左成粒鐘！ ！呢個係跳樓機，我本人係好驚玩跳樓機的 （雖然無離心力），但係呢個超好玩！上到頂仲可以睇晒成個樂園，超靚的說 \(-ㅂ-)/

玩到夠晒皮就回酒店嚕，好鐘意 DisneySea 呢，絕對會再到訪

隔天就去伊豆浸溫泉嚕，待續